Vil du jobbe i eit dynamisk og tverrfagleg miljø, og samtidig ha friheita til å velje kvar du skal bu? Då kan Nordplan vere arbeidsplassen for deg! Vi nærmar oss 100 tilsette, og no treng vi deg som er seniorrådgjevar RIB med på laget for å utvikle morgondagens løysingar saman med oss.
Kven er vi?
I Nordplan ser vi at gode løysingar kjem når ein ser menneska bak prosjekta og omgjevnadane dei skal passe inn i. Vi er eit tverrfagleg selskap som jobbar med alle fasar av ein planprosess, eit infrastruktur- eller byggeprosjekt. Vi hjelper også til med drift og eigedomsutvikling. Her jobbar arkitektar, ingeniørar, landskapsarkitektar og planleggjarar side om side. Dei beste ideane blir til når vi deler kunnskap og ser moglegheiter saman. Vi trur på samarbeid og ekte engasjementet som oppstår når flinke folk jobbar saman.
Det er ikkje berre kva vi gjer som betyr noko for oss, men også korleis vi gjer det. For oss handlar arbeidet om meir enn det ferdige resultatet. Det handlar om å sette små spor som varer, og som gjer kvardagen betre og lokalsamfunna sterkare. For vi skal vere med å forme ei framtid som vi skal vere stolte av.
Kva kan vi tilby deg?
- Arbeidstid som er balansert og tilpassa prosjektmål og privatsituasjon.
- Fleksibilitet til å velje arbeidsplass. Om du vil bu i Fjell-, Fjord- eller Kyst-Noreg, er opp til deg. Vil du heller jobbe frå byen, eller ein stad der ingen skulle tru at nokon kunne bu, så finn vi løysingar for det. Vi likar sjølvsagt aller best at du er innom eit av våre kontor slik at vi får ha det sosialt saman òg. Uansett kvar du vil jobbe frå finn du eit triveleg og uformelt arbeidsmiljø på desse stadane: Nordfjordeid, Måløy, Stryn, Førde, Ørsta/Volda, Ålesund, Molde, Bismo, Vågåmo, Otta, Lillehammer, Oslo, Bergen og Reykjavik.
- Du får vere med å skape ei framtid du kan vere stolt av. I tillegg får du jobbe med spennande og utfordrande prosjekt som du kan lese meir om her.
- Vi er eit selskap i vekst, så her er moglegheiter for både personleg og fagleg utvikling – spesielt med tanke på at du får eit tverrfagleg miljø og flinke kollegaer rundt deg.
- Du får sjølvsagt lønn, pensjons- og forsikringsordningar.
- Du blir ein del av eit selskap som støttar nærmiljøet. Lokalt ved dei ulike kontora våre støttar vi ulike lag og aktivitetar.
Kven er du?
Vi ser for oss at du er ein fagleg engasjert person som er løysningsorientert og initiativrik. Du kommuniserer godt med kollegaer og kundar, og du ønsker å formidle eigen kunnskap og rettleie yngre medarbeidarar. Vi ser etter personar som vil vere med å utvikle kompetansen i vårt RIB-miljø som omfattar nærmare 20 bygningsteknikarar, i nært samarbeid med ca. 20 arkitektar og ca. 10 energi- og miljørådgjevarar. Vidare ser vi for oss at du har følgande kvalifikasjonar:
- Sivilingeniør eller tilsvarande innan konstruksjonsteknikk med minimum 10 års relevant erfaring
- Beherskar prosjekteringsverktøy som Revit og Robot Structural Analysis eller tilsvarande programvare.
- Erfaring frå større og kompliserte byggjeprosjekt
Fagleg blir du ein del av seksjonen for «Arkitektur, Konstruksjon og Byggeteknikk» i selskapet. Denne stillinga kan vere tilknytt eitt av våre mange kontor.
Kva blir dine ansvarsområder?
- Dimensjonering og oppteikning av stål-, betong- og trekonstruksjonar
- Global statikk ved bruk av blant anna Robot Structural eller tilsvarande programvare
- 3D-modellering og utarbeiding av teikningar/produksjonsunderlag i Revit
- Fagansvar i oppdrag
Vil du søkje?
Vart du nysgjerrig på stillinga og livet i Fjell-, Fjord- eller Kyst-Noreg? Vår HR-ansvarlege Ingvild Kristin Røe (951 50 406) vil gje deg ytterlegare informasjon om Nordplan og stillinga.
Vi gler oss til å høyre frå deg! Send inn søknaden din til ikr@nordplan.no innan 19. januar 2025. Alle som søkjer vil sjølvsagt få tilbakemelding frå oss.
Vi er Nordplan. Kva er din plan?