Friområde, Amonda
Friområdet som vil liggje i tilknyting til eit nytt bustadområde i Måløy har innarbeidd og framheva viktige kulturminne frå 2. verdskrig. Det har vore eit tett samarbeid med Måløyraidsenteret og Fylkeskommunen for å integrere kulturminna som ein naturleg og spanande del av friområdet. Det er no etablert eit unikt leike- og opphaldsområde i eit særskilt verdifullt område for Måløy.
Ei av skyttargravene er sikra og botnen i grotta er jamna ut slik at han gjev trygg tilgjenge for alle. Turstien som er universelt utforma er lagt slik i terrenget at myrområda har fått liggje i fred, samstundes som den gjer tilgjenge til skytterhola, bålplass med sitteplassar og balanse/leikeapparata.
Bålplassen er etablert av 2 natursteinsmurar som saman med eksisterande knaus lagar ei hesteskoform. Slik vert sitjeplassane skjerma for vind frå ulike retningar.
Materialval er teke med omsyn til naturlege material frå krigen sine dagar; grusa sti, steinsettingar og leikeapparat i tre er med på å styrke identitet og særpreg til området.
RELATERTE PROSJEKTER
Norsk Fjellsenter
Trivselshagen
