Urbane rykter, Naustdal kommune
I forkant av revisjon av kommuneplanverket i 2008 for Naustdal kommune, utarbeidde Nordplan eit moglegheitsstudium av kommunesenteret. Dette vart gjort for å auke bevisstheita kring eksisterande kvalitetar, og samtidig finne ein aktuell og operasjonell strategi for å vidareutvikle bygdesenteret. Strategien har til mål å utvikle og knyte saman allereie eksisterande, viktige punkt - hotspotar og slik gjere dei endå varmare. Ved å samanbinde det som allereie er bra vil dei ulike positive kvalitetane styrke kvarandre, og det vert tydlegare kvar ein kan leggje til ytterlegare bidrag for å styrke heilskapen.
Det grøne preget er ein særleg viktig karakter i bygdesenteret. Det er slik sett viktig å sikre samanhengande grøne strukturar framover, med hensyn på sentrumsutviklinga vidare. Friområder i form av opne grøne linjer stimulerar til meir gangferdsel og sykkelbruk, og underbygger kyrkja sin posisjon i landskapet generelt. Etter at Sanden kom til er det blitt endå vktigare å knyte fleire kontaktlinjer til sjøen.
RELATERTE PROSJEKTER
Norsk Fjellsenter
Trivselshagen
